സൗദിയില്‍ കൊവിഡ് പുതിയതായി കണ്ടെത്തിയത് 147 പേർക്ക്

റിയാദ്, തബൂക്ക്, ദമാം, ദഹ്റാൻ, ഹഫൂഫിലേക്കും ജിദ്ദ, തയിഫ് ഖതീഫ്സ കോബ‍ എന്നീ ഗവര്‍ണറേറ്റുകള്‍ക്കുമാണ് കര്‍ഫ്യൂ നീട്ടിയത്. രണ്ടാഴ്ച്ചത്തേക്കാണ് കർഫ്യൂ കാലാവധി നീട്ടിയിരിക്കുന്നത്.

സൗദിയില്‍ കൊവിഡ്  പുതിയതായി കണ്ടെത്തിയത് 147 പേർക്ക്

റിയാദ്։ സൗദിയിൽ കൊവിഡ് രോഗികളുടെ എണ്ണം വർദ്ധിക്കുന്നതായി റിപ്പോര്‍ട്ട്. ഇന്ന് പുതുതായി 147 പേര്‍ക്ക് കൂടി വൈറസ് സ്ഥിരീകരിച്ചിട്ടുണ്ട്. ഇതോടെ രാജ്യത്തെ വൈറസ് ബാധിതരുടെ എണ്ണം 2752ല്‍ എത്തി.

വൈറസിനെ പ്രതിരോധിക്കുന്നതിനായി യുഎഇ 24 മണിക്കൂർ ലോക്ഡൗണ്‍ തുടരുകയാണ്. വൈറസ് ബാധ വര്‍ദ്ധിച്ചതിന് പിന്നാലെയാണ് ഇത്തരത്തില്‍ ലോക്ഡൗണ്‍ പ്രഖ്യാപിച്ചത്. രണ്ടാഴ്ചത്തേക്കാണ് ഭരണകൂടം ലോക്ഡൗൺ ഏർപ്പെടുത്തിയിരിക്കുന്നത്. സൗദിയും യുഎഇയും പ്രധാന നഗരങ്ങളിലാണ് കര്‍ഫ്യൂ ഏര്‍പ്പെടുത്തിയിരിക്കുന്നത്. അവശ്യസംഘടനകളുടെ ജീവനക്കാർ ഒഴികെ മറ്റാര്‍ക്കും പുറത്തിറങ്ങുന്നതിന് വിലക്ക് ഏര്‍പ്പെടുത്തിയിരിക്കുകയാണ്.

സൗദിയിലെ പ്രധാന നഗരങ്ങളായ റിയാദ്, തബൂക്ക്, ദമാം, ദഹ്റാൻ, ഹഫൂഫിലേക്കും ജിദ്ദ, തയിഫ് ഖതീഫ്സ കോബ‍ എന്നീ ഗവര്‍ണറേറ്റുകള്‍ക്കുമാണ് കര്‍ഫ്യൂ നീട്ടിയത്. വൈറസ് വ്യാപനം ആരംഭിച്ച ആദ്യ നാളുകളില്‍ തന്നെ വിശുദ്ധ നഗരങ്ങളായ മക്കയും മദീനയും അധികൃതർ നേരത്തെ അടച്ചിരുന്നു.

സൗദിക്ക് പുറമെ കുവൈറ്റും കര്‍ഫ്യൂ ദീര്‍ഖിപ്പിച്ചിട്ടുണ്ട്. ദിവസവും രണ്ട് മണിക്കൂറാണ് കര്‍ഫ്യൂ ഏര്‍പ്പെടുത്തിയിരിക്കുന്നത്. കുവൈറ്റ് ഉപപ്രധാനമന്ത്രിയും ആഭ്യന്തര മന്ത്രിയുമായ അനാസ് അല്‍ സലേഹ് അറിയിച്ചു. ഗള്‍ഫ് രാജ്യങ്ങളില്‍ ഏറ്റവുമധികം വൈറസ് ബാധ റിപ്പോര്‍ട്ട് ചെയ്തിരിക്കുന്നത് സൗദിയിലാണ്. ഇവരില്‍ 38 പേര്‍ മരിക്കുകയും 551 ആളുകള്‍ക്ക് രോഗം ഭേദമാകുകയും ചെയ്തുവെന്നും കണക്കുകൾ സൂചിപ്പിക്കുന്നു. വൈറസ് വ്യാപനം കണക്കിലെടുത്ത് ഈ വര്‍ഷത്തെ ഉംമ്ര തീര്‍ത്ഥാടനം സൗദി റദ്ദാക്കിയിരുന്നു.